Nagpasalamat si Belle Mariano sa lahat ng fans na nanood sa kaniyang matagumpay na solo concert
Nagpahayag ng pasasalamat ang aktres na si Belle Mariano sa mga nanood at sumuporta sa kanyang unang solo concert na ‘Daylight’, na ipinalabas ng live sa KTX.ph noong Sabado, Enero 29.
Sa isang Instagram post, pinasalamatan ni Belle ang direktor, production crew, at mga espesyal na panauhin para maging matagumpay ang kanyang ‘Daylight’ solo concert.
“Thank you, words aren’t enough to describe how amazing this journey was. Thank you Direk Alco Guerrero for making this concert just as how I imagined it to be, and to everyone behind all of this I thank you for making this such a memorable moment,” saad ng dalaga.
“Thank you for being a part of this, you guys made it extra special,” dagdag pa nito kasabay ng pagbanggit sa kanyang naging mga panauhin na sina Kyle Echarri, Ben&Ben, Jayda Avanzado, Trisha Denise, SAB at on-screen partner na si Donny Pangilinan.
Nagpasalamat din ang aktres-singer sa kanyang mga tagahanga at tagasubaybay, gayundin sa Poong Maykapal para sa pagtupad ng pangarap niyang ito.
“To everyone who watched and supported this concert, thank you for stepping into the daylight with me. Lastly, to our Loving Father, our Almighty Creator, I thank you. You made the little girl’s dream come true,” sambit niya.
“I hope this concert reminds us that amidst all the chaos, and darkness, we should always seek hope because there will always be daylight,” ang huling mensahe ng aktres.
Si Belle ay nagsimula bilang isang child star sa maraming palabas ng ABS-CBN. Naging showbiz breakthrough naman ng aktres ang pagkakapareha niya kay Donny Pangilinan sa hit teen seriesna He’s Into Her noong 2019.
Belle Mariano, nagpasalamat sa tagumpay ng unang solo concert
Source: Babaero Balita
0 Comments