Matapos unang makatrabaho sina Daniel Padilla at Kathryn Bernardo sa 2015 na pelikulang Crazy Beautiful You, sinabi ng direktor na si Mae Cruz-Alviar
Matapos unang makatrabaho sina Daniel Padilla at Kathryn Bernardo sa 2015 na pelikulang Crazy Beautiful You, sinabi ng direktor na si Mae Cruz-Alviar na marami na ang nagbago sa pagitan ng sikat na love team ngayong magkakatrabaho na silang lahat bilang adults sa kanilang 2022 series na 2 Good 2 Be True.
“They’re still their usual selves. Kasi hindi naman sila nagbago na kung paano sila as persons. But there is maturity. I have to say there’s maturity sa kanila ngayon. Nakita mo na mas independent na sila. Kasi siyempre nakita sila nung kasama pa si Mama Min (Bernardo) when they were kids.
So that’s how they are now. It’s still them. Alam mong hindi nagbago ang face by the proportions of their popularity now and the prestige of the love team. But they are still the same Kath and DJ from before, only more mature, only wiser, and with more experience as actors,” ibinahagi ni direk Mae sa naganap na Netflix mediacon para sa serye.
“How they are from before, siyempre with the wealth of experience and with all the projects that they’ve done with different actors and different directors, siyempre iba na sila tumingin sa kuwento, iba na sila tumingin sa characters. So makikita mo yun how we discuss yung characters nila.
Nag-ko-collaborate kami and iba yung sensitivity now also because they’ve matured. Of course when I first worked with them they were teen king and queen. And ngayon it’s been 10 years and the maturity as persons also show in how they attack their characters. Yun yung malaking pagkakaiba. I think the growth, the maturity, yung ang difference,” paliwanag pa niya.
Bukod sa magandang working relationship nila sa set, tinuturing din ni direk Mae ang dalawang bida bilang kaibigan din sa likod ng camera.
“Working with Kathniel kasi is like working with friends. Kasi we watched them grow up so parang I feel like a mother to them so parang feeling ko friend na mother.
“So parang it’s fun to work with them because masaya sila katrabaho kasi masaya silang tao, mabuti silang mga tao and magaling silang mga aktor. At the same time, you know that because of that relationship, puwede kaming mag-usap not just the good stuff. Even the bad stuff we can discuss and magandang naka-open yung lines ng communication,” aniya.
Sa 2 Good 2 Be True, binibigyang-buhay nina DJ at Kath ang kuwento nina Eloy at Ali, dalawang tao ang napagod sa pag-ibig ngunit kahit papaano ay natagpuan nila ang isa’t isa. Patuloy silang hinihila pabalik dahil sa mga pagdududa sa kanilang mga puso hanggang sa malaman nila na ang kanilang buhay ay higit na konektado kaysa sa kanilang napagtanto.
Ibinahagi ni Direk Mae na hindi ito ang karaniwang brand ng romantic comedy nina DJ at Kath.
“Siyempre it’s not purely feel good. Marami ring prepare your hearts and prepare your eyes. Kasi kami on set may mga scene na nag-iiyakan kami. It’s a total package. And the tone is it’s feel good, it’s light romance.
“It will touch on some relevant topics na talagang kukurot sa puso ninyo. I’m biting my tongue. I can’t say much but that’s it. Just prepare your hearts, prepare your eyes, prepare your tissue (laughs),” saad niya.
Direk Mae Cruz-Alviar, ibinahagi kung gaano ka-mature ngayon ang KathNiel sa pag-arte
Source: Babaero Balita
0 Comments