Melizza Jimenez, bakit nga ba pinalitan ng BINI member na si Mikha Lim sa ‘He’s Into Her’

Bakit nga ba napalitan ang isang role sa He’s Into Her

Ipinaliwanag ng producer ng “He’s Into Her” na si Vanessa Valdez kung bakit pinalitan si Melizza Jimenez ng BINI member na si Mikha Lim para sa role na Elle Luna.

Sa press conference para sa ikalawang season ng palabas, ipinaliwanag ni Valdez na pinili ni Jimenez na tumutok sa kanyang double bachelor’s degree sa business and communication sa Queensland University of Technology.

“Actually we were really supposed to shoot with Meli. Kaya lang, siyempre may mga life choices na ginawa si Meli and we fully support that. Gusto talaga mag-aral ni Meli abroad,” ayon sa Producer.

“So nung nag-open up na ‘yung Australia and she can go abroad, hindi na naman namin matanggal ‘yung character ni Elle. So we had to recast the role and so si Mikha Lim of BINI stepped in sa role,” dagdag pa niya kasabay ng pagpuri nito kay Mikha sa kanyang acting debut, na tinawag siyang “rare find.”

“We’re very happy that we discovered Mikha. She’s one of those rare finds na first time actress pero intuitively alam niya ‘yung role so nakakapagbigay siya ng emotions. Actually, it’s one of those rare auditions that I’ve had with someone na first take may naramdaman ka, first take ang galing. So ‘yun si Mikha,” aniya.

“We love Meli and we miss her and we thank her for the wonderful portrayal that she gave us nung Season 1 but we support naman talaga in her decision to broaden her horizons and to study. So we had to accept that and we had to look for someone who can take on the role. ‘Yun ang nangyari.”

Batay sa nobela ni Maxine Lat, ang “He’s Into Her” ay orihinal na pinalabas noong Mayo 2021 at tumagal ng 10 episode. Ang napakalaking kasikatan ng debut season nito ang nag-udyok para masundan pa ito ng panibagong season, na inihayag sa isang post-finale thanksgiving concert.

Naging mas mapaghamon ang ikalawang season ng hit romance series na “He’s Into Her” dahil sa mas matured na pagganap sa mga karakter, ayon sa cast at team sa likod nito.

Ang “He’s Into Her” ay umani rin ng maraming pagkilala, lalo na mula sa Asian Academy Creative Awards at sa Venice TV Awards.

Ang screen partners na sina Belle Mariano at Donny Pangilinan ay nabansagan bilang “New Gen Phenomenal Love Team” dahil sa kanilang magkakasunod na tagumpay, na kinabibilangan din ng pelikulang “Love Is Color Blind.”

Melizza Jimenez, bakit nga ba pinalitan ng BINI member na si Mikha Lim sa ‘He’s Into Her’
Source: Babaero Balita