Kumpirmado na ang pagkaka alis ni Karla Estrada bilang main host ng Magandang Buhay
Hindi na babalik si Karla Estrada, isa sa mga orihinal na co-host ng “Magandang Buhay” sa loob ng anim na taon, sa morning talk show pagkatapos mag-leave para tumakbo sa pambansang halalan.
Parehong kinumpirma ng team sa likod ng “Magandang Buhay” at ni Karla sa ABS-CBN News nitong Biyernes na hindi na niya itutuloy ang kanyang paghohost sa daily program.
Lalabas pa naman sa naturang programa si Karla Estrada ngunit ito ay para sa farewell episode na niya kung saan pormal siyang mamamaalam sa taga subaybay ng morning talk show.
Sa Instagram nitong Huwebes, ibinahagi ni Karla ang isang selfie kasama ang kanyang long-time co-hosts na sina Jolina Magdangal at Melai Cantiveros. “Happy to see you my Momshies! Ang pamamaalam… Abangan,” sulat nito sa kanyang caption.
Sinabi ni Karla sa ABS-CBN News na balak niya na tumutok sa kanyang gawaing pampulitika bilang bahagi ng TINGOG party-list.
Nanalo si TINGOG ng dalawang pwesto sa kongreso sa halalan nitong nagdaang Mayo; Si Estrada ang ikatlong nominado ng grupo.
Samantala wala pang pinal na anunsiyo kung sino ang papalit sa maiiwang pwesto ni Karla, ayon sa mga producer ng “Magandang Buhay.”
Sa kanyang pagkawala nitong mga nakaraang buwan, may mga espesyal na bisitang co-host na pansamantalang sinamahan ang mamshies na sina Jolina Magdangal at Melai Cantiveros.
Ang music veteran na si Regine Velasquez ay sumali sa programa sa loob ng halos limang buwan hanggang sa kalagitnaan ng Hunyo.
Umalis naman ang songbird sa programa matapos ipakilala bilang nagbabalik na hurado sa ikalawang season ng “Idol Philippines.” na eere na ngayong buwan.
Sa ngayon naman ay ang Queen of Soap Opera na si Judy Ann Santos ang kasama ng mga momshies bilang pansamantalang host ng “Magandang Buhay.”
Samantala, wala pang kumpirmasyon kung kailan ipapalabas ang naturang farewell episode ng dating host na si Karla Estrada.
Karla Estrada, hindi na babalik bilang host ng “Magandang Buhay”
Source: Babaero Balita
0 Comments